Најголемиот успех на македонската одбојка – пласманот во осминафиналето на Европското првенство чијшто коорганизатор лани беше Македонија, на ОФМ и на македонската машка репрезентација и донесе уште две признанија. На 27-то издание на манифестацијата „Златна бубамара на популарноста“, македонската одбојка беше лауреат во две категории. Машката репрезентација ја освои престижната статуетка за спортски успех за 2023-та година, а капитенот Никола Ѓорѓиев беше прогласен за најдобар спортист.
Во арената во којашто Македонија го организираше првото и единствено машко европско сениорско првенство во историјата на независна Македонија, претседателот на ОФМ, Петар Јовановски, заблагодарувајќи се на Радио Бубамара за наградите, потенцираше дека македонската одбојка и во иднина ќе се обиде да игра значајна улога на европската мапа, а и ја истакна желбата повторно да бидеме сведоци на елитен спортски настан кај нас.
На крајот челниците на ОФМ и одбојкарските репрезентативци, како на тајм-аут ја поздравија публиката во арената „Борис Трајковски“, со извиците: „За кого?“ – „За МАКЕДОНИЈА!“
Атмосферата од манифестацијата на следниот линк:
