Иако минатата сезона стигнаа до серијата за шампионскиот пехар, одбојкарите на ГОК Борец во тековното првенство немаат можност да му парираат на неприкосновениот тим на Струмица 47&72, па нивниот натпревар во Велес е само дерби на харија во шестото коло во Првата лига. Со оглед на досегашните резултати, поинтересно би требало да биде на средбите на коишто ќе се решава за место меѓу шесте најдобри.
Кај дамите две екипи досега се без пораз, а тие денеска ќе се надмудруваат за да бидат осамени на чело на табелата. Наковски волеј ќе ја има предноста на домашниот терен во локалниот меч со Струмица жени, а ланските финалистки Работнички Скопје и Јанта волеј ја имаат фаворитската улога против ривалките, со напомена дека задачата на тимот од Кисела вода во Штип е потешка во однос на онаа на бранителките на двојната круна.
Дерби натпревари ќе има и во Втората лига кај дамите затоа што во петтото коло водечкиот квартет ќе игра меѓу себе. Првопласираниот Бами Кор ќе сервира против третопласираниот Пелистер волеј, додека, пак, Газели волеј ќе ја брани втората позиција и ќе се обиде да напредува на домашен терен против Ускана.
Прва лига (мажи) – 6.коло
ГОК Борец – Струмица 47&72 (сабота, 20.30)
Работнички 71&22 – Универзитет во Тетово (сабота, 20.00)
Лирија – Сушево (сабота, 19.30)
Македонија Џио – Јанта волеј (сабота, 14.30)
Весна Пробиштип – Шкендија (сабота, 18.00)
Штип УГД – Вардар (понеделник, 17.00)
Табела: Струмица 47&72 5-0, Универзитет во Тетово 4-1, Штип УГД 4-1, Лирија 4-1, Работнички 71&22 3-2, Шкендија 3-2, Весна Пробиштип 2-3, ГОК Борец 2-3, Сушево 1-4, Јанта волеј 1-4, Вардар 1-4, Македонија Џио 0-5.
Прва лига (жени) – 7.коло
Наковски волеј – Струмица жени (сабота, 18.00)
Работнички Скопје – Вардар жени (сабота, 17.30)
Фит фан волеј – Вардар ЕМ (сабота, 16.30)
Младост УГД – Јанта волеј (сабота, 16.00)
Табела: Наковски волеј 6-0, Струмица жени 6-0, Јанта волеј 4-2, Работнички Скопје 3-3, Младост УГД 3-3, Фит фан волеј 1-5, Вардар ЕМ 1-5, Вардар жени 0-6.
Втора лига (жени) – 5.коло
Газели волеј – Ускана (сабота, 19.30)
Бами Кор – Пелистер волеј (сабота, 18.00)
Универзитет во Тетово – Фламинго волеј (сабота, 16.00)
Виктори волеј – Македонија Макс (сабота, 15.00)
Куманово – Форца волеј Ема (сабота, 13.00)
Табела: Бами Кор 4-0, Газели волеј 4-0, Пелистер волеј 3-1, Ускана 3-1, Виктори волеј 2-2, Фламинго волеј 2-2, Форца волеј Ема 1-3, Македонија Макс 1-3, Куманово 0-4, Универзитет во Тетово 0-4.
