Македонските одбојкарки го загубија и третиот натпревар во премиерната сезона од Европската сребрена лига. Естонија ја потврди фаворитската улога во арената „Борис Трајковски“ и го задржа максималниот биланс во групата со 25:10, 25:14 и 25:20. По првичната импресионираност од квалитетниот противник, нашите девојки одиграа пристоен трет сет, освоија вкупно 44 поени, што е на нивното сегашно рамниште споредбено со претходните два настапа. Стојанова и Хаџи Тосева освоија по 5 поени, Терзиевска 4, Стојановска, Баталаковска и Јонузи завршија со по 3, Лазарова забележа 2, а Павловска и Дикова по 1.
Пред девојките сега се три гостувања едноподгруго, Кај Естонија, кај Летонија, па во Австрија од 10-ти до 17-то овој месец, по што ќе заврши првото учество на македонската женска сениорска репрезетнација во Европската сребрена лига.
