Македонија ја совлада Белгија во второто коло од групата „Бе“ со 3:0 (25:21, 25:23, 17:25, 25:21) и ја забележа премиерната победа во Европската златна лига. Националниот состав предводен од селекторот Јошко Миленковски одигра одлично во првиот сет, се врати по негатива во вториот, а го издржа и физички дуелот со корпулентниот белгиски состав. Никола Ѓорѓиев имаше 19 поени, Љафтов 16, одличен беше Савовски со 8, а толку оствари и Милев. Маџунков забележа 5, Ѓорѓи Ѓорѓиев 2, а Илиев и Костиќ по 1. Сите го одиграа тоа што треба во значајни моменти.
Нареден противник на Македонија ќе биде Хрватска (исто така во Скопје) која досега има два пораза откако денеска загуби од Украина со 3-0. Белгија е на половичен ефект како нас, а Украинците засега се први.
