Фото: VK ČEZ Karlovarsko/Facebook
Капитенот на националниот тим Никола Ѓоргиев и неговиот нов клуб, чешки Карловарско ќе играат во плејофот од европскиот ЦЕВ куп, откако успешно ја минаа осминафиналната фаза против Олимпијакос.
Во првиот натпревар на гостински терен тимот на Ѓоргиев славеше со 3:1, додека синоќа на домашен терен во Карлови Вари по пет сета стигна до триумф и продолжува понатаму во второто по квалитет европско клупско натпреварување.
Ѓоргиев кој пред една седмица му се приклучи на клубот и уште се адаптира во новата средина, синоќа доби шанса во клучниот петти сет и освои два поени од напад.
Во плејофот Карловарско ќе се соочи со белгиски Масеик, а натпреварите се играат во средината на февруари.
