Во исчекување на ждрепката за ЕвроВолеј 2026, закажана за 4 октомври во Бари, погледите на европската одбојка се свртени кон Светското првенство за мажи кое деновиве се игра на Филипините. По комплетирањето на групната фаза од мундијалот, дури 11 европски репрезентации се најдоа во осминафиналето.
Бранителот на титулата Италија, заедно со актуелниот европски првак Полска, како и дел од домаќините на континенталниот собир следната година, Финска и Бугарија, придружени од Србија, Чешка, Белгија, Словенија, Турција, Холандија и Португалија обезбедија пласман во следната фаза. Во осминафиналето ќе се натпреваруваат и Тунис, Иран, Аргентина, САД и Канада.
Интересно е дека двократниот олимписки првак Франција не успеја да се најде во оваа конкуренција, по поразот од 3:2 од Аргентина.
Дел од овие европски селекции се и потенцијален противник на машкиот национален тим на Македонија во групната фаза за ЕвроВолеј 2026, а истовремено е и показател за силата и квалитетот на европската одбојка, како и фактот дека нашите одбојкари четвртипат во низа ќе бидат дел од такво друштво.
Осминафиналната фаза на СП 2025 стартува утре со дуелите меѓу Турција и Холандија и Полска и Канада.
