Само еден ден за консолидација на силата во Струмица имаше машката репрезентација на Македонија, која попладнево патува за Летонија, каде ќе настапи на вториот турнир од ЦЕВ Европската Златна лига 2025.
Селекторот Јошко Миленкоски се одлучи да направи една промена во составот за овој турнир. На местото на техничарот Ефтим Ричлиев шанса добива организаторот на играта на Штип УГД, Давид Стојанов.
Репрезентацијата доцна вечерва треба да пристигне во Даугавпилс каде од викендов ќе настапи на вториот турнир во годинешното издание. Македонија првиот натпревар го игра в петок од 19 часот со домаќинот Летонија, додека в сабота од 17 часот ќе се соочи со Грција.
Во првиот натпреварувачки викенд Македонија ги загуби двата дуели во Братислава со Словачка и Финска.
